Mamlakatimizdan har yili an’anaviy tarzda o‘tkazilib kelinayotgan "XON ATLAS" haftaligi, milliy bayrami ko‘tarinki ruhda davom etib kelmoqda.
Xotin-qizlar va yosh avlod o‘rtasida milliy qadriyatlarimizni ulug‘lash, milliy liboslarimizni keng targ‘ib qilish maqsadida Samarqand davlat tibbiyot universitetida ham Xotin-qizlar maslahat kengashi raisi, rektor madlahatchisi G.I.Xudayberdiyeva boshchiligida 9-14-sentyabr kunlari "XON ATLAS" haftaligi tashkil etilib, barcha fakultet, kafedra va bo‘limlarda xalqimizning ming asrlik o‘tmishi, qadimiy urf-odatlarimiz, an’analarimizni aks ettiruvchi "XON ATLAS" kunlari yuqori saviyada hamda ko‘tarinki ruhda tashkil etildi.
Haftalik doirasida fleshmoblar, chellenjlar, ko‘rgazmalar, podiumlar tashkil etilib, milliyligimizni kreativ tarzda namoyish etishda xotin-qizlarimiz hamda talaba-qizlarimiz faol ishtirok etib kelishmoqda.
SamDTU Matbuot xizmati
