22-23 iyul kunlari Samarqand davlat tibbiyot universiteti rektori Jasur Rizayev boshchiligidagi delegatsiya I.N.Ulyanov nomidagi Chuvash davlat universitetiga (RF) tashrif buyurdi.

  SamDTU delegatsiyasini ChuvDU rektori Andrey Aleksandrov iliq kutib oldi. Suhbat chog‘ida oʻzaro  hamkorlikning dolzarb masalalarini muhokama qilinib, kelgusidagi hamkorlikdagi ishlarni rivojlantirishning asosiy yo‘nalishlarini belgilab oldilar.

  Universitetimiz ChuvDU bilan uzoq muddatli hamkorlik qilib keladi. Xususan, “Klinik psixologiya” yo‘nalishi bo‘yicha qo‘shma ta’lim dasturi amalga oshirilmoqda. ChuvDU o‘qituvchilari SamDTUga bir necha bor tashrif buyurib, talabalar uchun rus tili, psixiatriya va psixologiya fanlaridan ma’ruzalar o‘qib, mahorat darslari o‘tib kelmoqdalar. Bundan tashqari, ChuvDU talabalari va o‘qituvchilari SamDTU tomonidan tashkil etiladigan konferensiyalar, vebinarlar, xalqaro davra suhbatlari, onlayn konferensiyalar va olimpiadalarda muntazam qatnashib kelmoqda.

  Delegatsiyaning oliygoh bilan tanishuvi Chuvash davlat universitetining tarix muzeyiga tashrif buyurishdan boshlandi, so‘ngra mehmonlarni tibbiyot fakultetining hamkasb shifokorlari kutib oldilar, yerda anatomik muzey eksponatlari, zamonaviy o‘quv xonalari va laboratoriyalar bilan tanishdilar. Chuvash madaniyati, chuvash xalqining urf-odatlari bilan tanishish “Nasledie” etnomadaniy markazida bo‘lib o‘tdi. Universitet talabalar shaharchasida mehmonlar tarix-geografiya fakulteti muzeylari, ChuvDU Kiberklubi, yuridik fakultetining yangilangan maydonlari, Madaniyat saroyiga tashrif buyurishdi.

  Universitetlar o‘rtasida hamkorligida ishlash rejalari akademik mobillik dasturi doirasida talabalar almashinuvi, yetakchi tibbiyot markazlarida darslar o‘tkazish, “Mehmon dotsent” va “Mehmon professor” dasturlari doirasida olimlarining ikki tomonlama tashriflari, yangi qo‘shma diplom dasturlari va qo‘shma ilmiy loyihalarni amalga oshirishni qamrab oladi.

Manba: https://obrazov.cap.ru/news/2024/07/24/chuvashskij...

SamDTU matbuot xizmati