3-4-iyun kunlari “Oʻzbekiston – Rossiya tibbiyot Forumi” doirasida Samarqand davlat tibbiyot universiteti koʻplab rossiyalik tibbiyot OTMlari turli sohalarda kelishuvlarga erishildi.

  Jumladan, 5–iyun kuni Universitetga koʻp yillik hamkor – Privoljsk tadqiqot tibbiyot universiteti (PIMU) rektori Nikolay Nikolayevich Karyakin tashrif buyurdi.

  Tashrif doirasida oʻtkazilgan muzokaralarda hozirgi kunda SamDTUda Privoljsk tadqiqot tibbiyot universiteti (PIMU) bilan davolash, pediatriya, stomatologiya ishi yoʻnalishlari qoʻshma taʼlim dasturlarida tahsil olayotgan 200 ortiq talabalarni oʻquv jarayonini taʼlim sifatini oshirish, talabalarda amaliy koʻnikmalarni shakllantirish uchun ularni klinik amaliyotini kuchaytirish kabi masalalar muhokama qilindi. Shuningdek, SamDTUda onkologik kassaliklarni sunʼiy intellekt yordamida erta aniqlash va tashxislash, aholi oʻrtasida onkologik kasalliklarni kamaytirishga erishish borasidagi hamkorlikdagi rejalar haqida kelishib olindi.

SamDTU matbuot xizmati