2023-yilning 22-25-may kunlari Samarqand davlat tibbiyot universiteti tomonidan Kursk davlat tibbiyot universiteti hamda Abu Ali Ibn Sino nomidagi Tojikiston davlat tibbiyot universiteti bilan hamkorlikda KDMU-88 yilligi hamda Oʻqituvchi va murabbiy Yiliga bagʻishlangan “Til. Taʼlim. Madaniyat” XVII Xalqaro ilmiy-amaliy elektron konferensiyasi oʻtkazdi.

  Konferensiyaning asosiy maqsadlari til, madaniyat va maorif sohasida ilmiy-tadqiqot faoliyatini rivojlantirishga koʻmaklashish hamda tajriba va yangi gʻoyalar almashish, shuningdek, taʼlim sifatini oshirish va chet tili fanlarni oʻqitishni muhokama qilish boʻldi. Konferensiya anʼanaviy va onlayn tarzda oʻtkazildi.

  Xalqaro konferensiyaning ochilishida soʻzga chiqqan SamDTU rektori, prof. Jasur Rizayev tibbiyot oliy oʻquv yurtlarida taʼlimning gumanitar poydevorni ommalashtirish, xorijiy tillarni oʻrganishning xalqaro aloqalarni qoʻllab-quvvatlashdagi ahamiyatini taʼkidladi hamda Kursk davlat tibbiyot universiteti jamoasini 88-yillik yubiley bilan muborakbod etdi.

  Konferensiya doirasida yalpi majlislar, seksiyalar, davra suhbatlari, mahorat darslari va muhokamalar oʻtkazildi. Anjumanda til, madaniyat va taʼlimga oid keng koʻlamli masalalar muhokama qilindi. Shu jumladan, madaniyatlararo muloqot muammolari, tillarni oʻqitish metodikasi, lingvistik antropologiya va sotsiolingvistika masalalari, shuningdek, tilning madaniy merosini saqlash va targʻib qilish. Ishtirokchilar oʻz ilmiy ishlarini taqdim etish, dolzarb masalalarni muhokama qilish va oʻz tajribalari bilan oʻrtoqlashish imkoniga ega boʻldilar. Bundan tashqari, konferensiya turli mamlakatlar va ularning madaniyati, olimlari va oʻqituvchilari oʻrtasida aloqa oʻrnatish va tajriba almashish uchun maydon boʻldi.

  Samarqand davlat tibbiyot universiteti vakillarini chiqishlarida tillarni oʻrganishga alohida eʼtibor qaratilayotgani kabi bu sohalardagi muammolar ham tibbiyot xodimlari uchun muhim mahorat ekanligi, tibbiyot universitetida tillarni oʻrganish bir nechta maqsadlarga ega ekanligi. Shu jumladan, birinchidan, bu talabalarga rus va chet tillarida oʻquv materiali va maʼruzalarni yaxshiroq tushunish imkonini beradi, ikkinchidan, tillarni bilish tibbiyot xodimlariga boshqa tillarda gapiradigan bemorlar bilan muloqot qilishda yordam beradi. Bu, ayniqsa, bemorlarga tarjimon kerak boʻlishi mumkin boʻlgan koʻp tilli mamlakatlarda juda muhimdir. Tillarni bilish chet ellik hamkasblar bilan ishlashda va boshqa mamlakatlar tibbiyot mutaxassislari bilan tajriba almashishda ham foydali boʻlishi mumkin. Chiqishlarda tibbiyot universitetida tillarni oʻrganish talabalarga boshqa mamlakat bemorlarning madaniy farqlari va anʼanalarini yaxshiroq tushunishga yordam berish hamda madaniyatlararo muhitda ishlashga yaxshiroq moslashish va boshqa mamlakatlardan kelgan bemorlarning madaniy qadriyatlarini hurmat qilish imkonini berishi alohida taʼkidlandi.

  “Til. Madaniyat. Taʼlim” xalqaro ilmiy-amaliy konferensiyasi tilshunoslik, madaniyatshunoslik va taʼlim sohasidagi muhim voqea boʻlib, u olim va oʻqituvchilarga oʻzaro tajriba va fikr almashish, dolzarb muammolarni hal etishda yangicha yondashuvlarni topish imkonini beradi.

SamDTU matbuot xizmati