26-yanvar Samarqand davlat tibbiyot universitetida Xalqaro fakultetida Hindiston Respublikasidan kelib tahsil olayotgan talaba-yoshlar uchun Hindiston Respublikasining 1950 yil 26 yanvaridan mazkur davlatda nishonlab kelinayotgan “Respublika Kuni” tantanalari boʻlib oʻtdi. Hozirda Universitetimizda 1170 ziyod Hindiston fuqarolari bilim olmoqda va mazkur xorijiy mamlakatdan 14 nafar oʻquvchilar ularga dars bermoqda.

  Bayram tantanalari Samarqand viloyati Yoshlar markazida oʻtkazildi. Bayram tadbirini SamDTU rektori Jasur Rizayev kirish soʻzi bilan ochib berib barcha talaba-yoshlar va professor-oʻqituvchilarni bayram sanasi bilan tabrikladi. Bayram tadbirida universitetda mehnat faoliyatini koʻrsatilayotgan bir guruh xorijiy oʻqituvchi va talabalar minnatdorchilik xatlari bilan taqdirlandilar.

  Hindistonlik talabalar tomonidan mahorat bilan ijro qilingan liboslar tanlovi, milliy raqslar va qoʻshiqlar barcha ishtirokchilarni mamnun etdi.

  “Respublika Kuni” tantanalari SamDTU xorijlik talabalar istiqomat qiladigan 2-son va 4-son TTJda ham oʻtkazildi.

SamDTU matbuot xizmati