Joriy yilning noyabr oyi davomida mamlakatimiz bo’ylab “Giyohvandlik, psixotrop va kuchli ta’sir qiluvchi dori vositalarining noqonuniy aylanishiga qarshi kurashish tadbirlari” davom etmoqda. Oylik davomida joylarda tadbir va uchrashuvlar tashkil etilmoqda.

  Jumladan 13-noyabr kuni Samarqand davlat tibbiyot universitetida oylik doirasida O’zbekiston Respublikasi Ichki ishlar vazirligi, tezkor-qidiruv departamenti, jinoyat qidiruv xizmati xodimlari bilan ochiq muloqot tadbiri tashkil etildi.

  Tadbir davomida giyohvandlik va giyohvand moddalar, narkotik, psixotrop vositalar haqida maʼlumotlar berilib, giyohvand moddalar taʼsiriga tushib qolish omillari, jarayonlari hamda oqibatlari haqida batafsil tushuntirishlar berib oʻtildi.

  Shuningdek, talabalarga psixotrop, narkotik va sarxush qiluvchi vositalar roʻyxatiga kiruvchi dorilar haqida ma’lumot berilib, ularni tegishli ruxsatlarsiz yetishtirish, saqlash va tarqatganlik uchun belgilangan javobgarliklar tanishtirildi. Bu kabi dori vositalarining noqonuniy tarqalishi, sotilishini oldini olishga qaratilgan ma’lumotlar berib o’tildi.Talabalar oʻzlarini qiziqtirgan savollarga javob olish imkoniyatiga ega boʻldilar.

SamDTU matbuot xizmati