14-fevral buyuk mumtoz shoir, musiqashunos va olim Zahiriddin Muhammad Bobur tavallud topgan kuni. Sana munosabati bilan Samarqand davlat tibbiyot universiteti 1-son davolash fakulteti jamoasi fakultet dekani Gʻ.U. Lutfullayev tashabbusi bilan fakultet yoshlar bilan ishlash boʻyicha dekan oʻrinbosari M.O. Zaripov, tyutorlar hamda talabalar Markaziy harbiy okrugi 13060-harbiy qismga tashrif buyurdilar.

  Uchrashuvda Zahiriddin Muhammad Bobur xotirasi yod etildi, uning hayoti va ijodi xususida soʻz yuritilib, gʻazal va ruboiylaridan namunalar oʻqildi. Boburning mashaqqatli va mardonavor hayot yoʻli talabalarga namuna sifatida koʻrsatildi.

  Ishtirokchilar tadbir davomida yangi bilimlar va boy taassurotlarga ega boʻldilar.

SamDTU matbuot xizmati