Korrupsiya — taraqqiyot kushandasi va ushbu illat aralashgan soha tanazzulga yuz tutadi. Mamlakatimizda korrupsiyaga qarshi kurashish tizimli ravishda yoʻlga qoʻyilgan boʻlib, har bir sohada, jumladan oliy taʼlimda korrupsiyaning oldini olish boʻyicha chora-tadbirlar olib borilmoqda.

  Samarqand davlat tibbiyot universiteti xotin-qizlar maslahat kengashi tomonidan barcha fakultetlar talaba-qizlari oʻrtasida jamiyatni turli yoʻllar bilan iskanjaga oladigan dahshatli illat — korrupsiyaning oldini olish maqsadida “Korrupsiyaga yo'l yo'q!” mavzusida profilaktik targʻibot uchrashuvlar oʻtkazildi.

  Shuningdek, korrupsiyaga qarshi kurashish “Komplaens nazorat” boʻlimi xodimlari tomonidan chet tillar kafedrasida “Taʼlimda korrupsiyaga oʻrin yoʻq” mavzusida seminar tashkil etildi. Unda korrupsiyaning salbiy oqibatlari, uning jamiyat va davlat rivojiga toʻsiq boʻlishi haqida taʼkidlandi. Ayniqsa, taʼlim sohasida korrupsiyaga oʻrin qoldirmaslik, taʼlimni odilona va shaffof boʻlishini taʼminlash haqida alohida soʻz yuritildi. Uchrashuv davomida davomida talabalar oʻzlarini qiziqtirgan savollarga atroflicha javob oldilar.

SamDTU matbuot xizmati