Joriy yilning 19-noyabr kuni Samarqand davlat tibbiyot universitetining 1-bosqichiga qabul qilingan talabalar uchun “Talabalikka bag‘ishlov qasamyodi” tadbiri tashkil etildi. Talabalarning tantanali qasamyod marosimida SamDTU rahbariyati, professor-o‘qituvchilar hamda 1-bosqich talabalari ishtirok etdilar.

  Tadbirning ochilish qismida so‘zga chiqqan universitet rektori Jasur Rizayev talabalar tomonidan qabul qilinayotgan ayni damdagi qasamyod ramziy tarzda ularning o‘qishda va keyingi shifokorlik faoliyati davomida oq xalatga munosib kadr bo‘lishlariga turtki vazifasini o‘tashini ta’kidlab o‘tdi. Universitet rektori talabalarning keyingi o‘qishiga omad va muvaffaqiyatlar tiladi.

  Samarqand davlat tibbiyot universitetining 1-bosqichiga qabul qilingan 2000 dan ortiq talabalar “Talabalikka bag‘ishlov qasamyodi” ni tantanali ravishda qabul qildilar.

  Tantanali tadbir talabalar tomonidan tayyorlangan chiqishlar, kuy va qo‘shiqlar bilan davom etdi.