11-may kuni Samarqand davlat tibbiyot universitetining fakultet va kafedralari xodimlarini jamoalari oʻrtasida “Zakovat” intellektual oʻyinni saralash turniri boʻlib oʻtdi. Musobaqada fakultet va kafedralar dekanatlari xodimlaridan iborat jami 26 ta jamoa ishtirok etdi.

  Turnirning ochilishida rektor Jasur Rizayev tantanali nutq soʻzlab, bu kabi musobaqalar bilimlarni sifatli egallash va intellektual mehnatga motivatsiyani oshirishga ijobiy taʼsir koʻrsatayotganini taʼkidladi hamda barcha ishtirokchi jamoalarga omad tiladi.

  Barcha jamoalar tanlovning ikki bosqichidan oʻtishdi, ularning har birida 15 tadan savolga javoblarni qaytardilar. Qiziqarli intellektual bellashuv natijalariga koʻra 5 ta jamoa – pediatriya fakulteti dekanati jamoasi, tibbiy profilaktika, jamoat salomatligi va tibbiy biologiya fakulteti dekan oʻrinbosarlari jamoasi, stomatologiya fakulteti tyutorlari jamoasi, SamMI Union jamoasi va diplomdan keyingi taʼlim fakulteti jamoasi gʻoliblikni qoʻlga kiritdilar.

  Saralangan jamoalar Samarqand davlat tibbiyot universitetining “Zakovat” final turnirida mutlaq gʻoliblik uchun kurashadilar.

SamDTU matbuot xizmati