Samarqand davlat tibbiyot universiteti farmakologiya kafedrasi mudiri dos.S.J.Yuldashev boshchiligida tayyorlangan davolash fakultetining 3-kurs talabalaridan iborat “Avitsenna” jamoasi S.D. Asfendiyarov nomidagi Qozogʻiston milliy tibbiyot universiteti (Olma-ota, Qozogʻiston Respublikasi) tomonidan oʻtkazilgan talabalar Xalqaro onlayn-olimpiadasida ishtirok etdi.

  Farmakologiya fani boʻyicha oʻtkazilgan Xalqaro talabalar olimpiadasida qatnashgan SamDTU “Avitsenna” jamoasi, 17 ta jamoa ichida faxrli III-oʻrinni egallab, kubok, diplomlar hamda tashakkurnoma bilan taqdirlandilar.

  Gʻolib jamoa va ustozlarini erishilgan yuqori natija bilan tabriklaymiz va yangi muvaffaqiyatlar tilaymiz!

SamDTU matbuot xizmati