Abu Ali ibn Sino nomidagi Buxoro davlat tibbiyot instituti, Yevro-Osiyo infeksionistlari jamiyati, Toshkent tibbiyot akademiyasi, Sankt-Peterburg davlat pediatriya tibbiyot universiteti va Boshqirdiston davlat tibbiyot universiteti hamkorligida 2022-yil 21-22-aprel kunlari Buxoro shahrida “Yuqumli kasalliklar, epidemiologiya va parazitologiyaning dolzarb muammolari” Xalqaro ilmiy anjumani boʻlib oʻtdi. Anjumanda Samarqand davlat tibbiyot universiteti oʻquv ishlari prorektori, yuqumli kasalliklar kafedrasi mudiri, dotsent Yarmuxamedova N.A., diplomdan keyingi taʼlim fakulteti dekani Qodirov J.F., yuqumli kasalliklar kafedrasi dotsenti Yarmuxamedova M.K. hamda assistentlar Ergasheva M.Ya., Rustamova Sh.A. faol ishtirok etdilar. Konferensiyada Rossiya Federatsiyasi va Qozogʻistonni bir guruh taniqli olimlari, shu jumladan Yu.M.Lobzin, V.V.Nikiforov, T.A.Rujensova, S.M.Xarit, S.S. Kozlov, V.M.Voljanin, K.A. Aitov va G.N.Abuovalar qatnashdilar. Anjumanni oʻtkazishdan asosiy maqsad, shifokorlarni tibbiyotda yuz berayotgan yangiliklardan xabardor qilish, dunyo tibbiyoti asosiy ilmiy yangiliklarini tahlil qilishdan iborat.

  Soʻnggi yillarda yuqumli kasalliklarning epidemiologik va klinik koʻrinishida sezilarli oʻzgarishlar roʻy bermoqda. Kasallanishlarning umumiy tarkibida bir qator ijtimoiy-iqtisodiy, ekologik va demografik omillar taʼsirida yuqumli kasalliklar ulushining kamayishi kuzatilmayapti. Shuningdek, 2020-yilda butun jahon xalqlari salomatligiga xavf solgan COVID-19 pandemiyasi yana bir bor ushbu muammoning dolzarbligidan dalolat berdi. Anjumanda yuqumli kasalliklar epidemiologiyasi va profilaktikasining dolzarb nazariy va amaliy masalalari muhokama qilindi. Natijada yuqumli kasalliklarni davolashda va oldini olishda yangi yondashuvlarni birgalikda yanada keng ishlab chiqish imkonini berdi.

  “Infektologiya, epidemiologiya va parazitologiyaning dolzarb muammolari” mavzusidagi xalqaro ilmiy anjuman koʻtarinki ruhda oʻtkazildi.

SamDTU Matbuot xizmati