15-mart kuni Samarqand davlat tibbiyot institutining fakultetlari va akademik litsey qizlari oʻrtasida “Balli qizlar” koʻrik tanlovi boʻlib oʻtdi.

  Tanlovni SamDTI prorektori E.S. Tangirov tabrik soʻzi bilan ochib berib, barcha ishtirokchilarga omad va zafarlar tiladi. Ishtirokchilar 4 ta shart boʻyicha bellashdilar:

1. Tanishtirish (oʻzlari va taʼlim olayotgan fakultetni);

2. Sahna koʻrinishi ( shifokor va bemorlar oʻrtasida uchrab turadigan holatlar aks etgan biror bir voqea haqida sahna);

3. Alla aytish mahorati ( bolaligida onalaridan eshitgan eng goʻzal alla);

4. Erkin ijodiy-badiiy chiqish (sahna koʻrinishi, sheʼrlar, qoʻshiqlar va raqslar).

  Bundan tashqari tadbir davomida institutning iqtidorli, sanʼatsevar talabalari tomonidan tayyorlangan qoʻshiqlar, raqslar namoyish etildi.

  Qiziqarli va murosasiz oʻtgan bellashuvda pediatriya fakulteti 3-bosqich talabasi Xazratkulova Muxlisa l — oʻringa munosib deb topildi. Tanlovda ishtirok etgan barcha qizar diplomlar hamda esdalik sovgʻalari bilan taqdirlandilar.

SamDTI Matbuot xizmati