14-yanvar — Oʻzbekiston Respublikasi Qurolli Kuchlari tashkil topgan kun va Vatan himoyachilari kuni munosabati bilan Samarqand davlat tibbiyot instituti tibbiy profilaktika, jamoat salomatligi va tibbiy biologiya fakulteti xodimlari front ortida xizmat qilgan mehnat faxriysi Muxtor Ostonov xonadonida boʻldilar.

  Mehnat faxriysini bayram bilan tabriklab, Vatan ravnaqi yoʻlidagi mehnatlarini eʼtirof etdilar.

  Ostonov Muxtor oʻzining mashaqqatli urush davrlarini yod etdi, bugungi tinchlik vaqtlariga shukronalar aytdi, tinchlik naqadar ulugʻ neʼmat ekanligi, uni anglamoq va qadrlamoq kerakligini taʼkidlab oʻtdi.

  Tashrif suhbat va xotiralar bilan davom etdi. Muxtor-ota Ostonov institut xodimlari va rahbariyatga tashrif uchun minnatdorchilik izhor qildi.

SamDTI matbuot xizmati