2021 yil 27 mart kuni Samarqand davlat tibbit instituti akademik litseyi binosida Vatanga Qasamyod qabul qilish tantanali marosimi o‘tkazildi. Tadbirda institut rahbariyati, harbiy-tibbiy tayyorgarlik kafedrasini professor-o‘qituvchilari, Markaziy harbiy okrugining harbiy orkestri, davolash fakulteti 5 kurs talabalari va ularni ota-onalari ishtirok etdilar.

  Tantanali tadbir Davlat bayrog‘i kiritilishi bilan boshlandi. So‘ng institut rektori Jasur Rizaev so‘z olib barcha talabalar va ularni ota-onalarini o‘tkazilayotgan qutlug‘ sana bilan tabrikladi, ularga omadlar va ezgu tilaklar tiladi. Tadbirda ishtirok etayotgan ota-onalar nomidan Navro‘za O‘ktamova, kursantlar nomidan kursant E’tibor Istamovalar so‘zga chiqib barcha tabrikladilar, institut ma’muriyatiga yaratilayotgan shart-sharoitlar uchun o‘zlarini minnatdorchiliklarini bildirdilar. Institut rektori professor J.A. Rizaev tomonidan kursantlarning ota-onasiga tashakkurnomalar ham tantanali ravishda topshirildi

  Tantanali tadbir so‘ngida barcha ishtirokchilar esdalik uchun rasmga tushdilar.

SamDTI matbuot xizmati