Yaponiyaning Yokohama Milliy universiteti (Yokohama National University) tomonidan 2022-2023 oʻquv yiliga doktorantura dasturida tahsil olish uchun tanlov eʼlon qilingan.

  Mazkur stipendiya Akademik martabani qoʻllab-quvvatlash boʻyicha global doktorlik dasturi (Global Doctoral Program for Academic Career Support, GDACS) boʻlib, Oʻzbekiston Respublikasidan 2022-yil oktabr yoki 2023-yil aprel oylarida doktoranturaga kirish istagida boʻlgan nomzodlar uchun taqdim etilgan.

  Tanlovda ishtirok etish uchun nomzodlar mustaqil ravishda Yaponiyaning Yokohama Milliy universiteti veb-saytida (https://www.ynu.ac.jp/english/...) batafsil maʼlumotlar bilan tanishish, talabnomani toʻldirish, barcha tartiblardan online tarzda oʻtishi talab etiladi.

  Hujjatlarni quyidagi veb-saytdan yuklab olish mumkin:
https://www.ynu.ac.jp/english/... (ingliz tilida)
https://www.ynu.ac.jp/internat... (yapon tilida)
  Hujjat topshirishning oxirgi muddati – 2022-yil 13-martgacha.