Hurmatli Oliy ta’lim muassasalari xodimlari va tadqiqotchilar!
YUNESKO va Xitoy Xalq Respublikasi (XXR) hukumatining hamkorligida 2025/2026-o‘quv yili uchun “Buyuk Devor” stipendiyasi tanlovi e’lon qilindi.
Ushbu dastur doirasida quyidagi yo‘nalishlarda imkoniyatlar mavjud:
- Tadqiqotchi (45 yosh) va yetakchi tadqiqotchi (50 yosh)lar uchun bir yillik malaka oshirish kurslari;
- Magistratura (35 yosh) va doktorantura (40 yosh) uchun bir yillik o‘quv kurslari.
Tanlov g‘oliblari uchun xarajatlar (xalqaro aviachipta, ta’lim haqi) YUNESKO va XXR hukumati tomonidan qoplanadi.
Nomzodlarga qo‘yiladigan talablar:
- Magistr darajasi (yoki ayrim sohalar uchun bakalavr darajasi);
- Ingliz tilini yuqori darajada bilish;
- Oliy ta’lim muassasasi bilan kelajakdagi faoliyatini bog‘lashga intilish.
Taqdim etilishi lozim bo‘lgan hujjatlar:
1. Maxsus ariza (onlayn tarzda to‘ldiriladi: http://www.csc.edu.cn/studyinchina);
2. Diplom va reyting qaydnomasining tasdiqlangan nusxalari (ingliz tilida);
3. Xitoy universitetidan taklifnoma (agar mavjud bo‘lsa);
4. 2 nafar professorning tavsiyanomalari (ingliz tilida);
5. Ilmiy tadqiqot loyihasi (500 so‘z, ingliz tilida);
6. Ingliz tilini bilish darajasi bo‘yicha sertifikat;
7. Tibbiy ma’lumotnoma (maxsus shaklda).
Nomzodlar hujjatlarini 2025-yil 1-fevralga qadar Xalqaro hamkorlik va reytinglar boshqarmasiga topshirishlari so‘raladi!
Qo‘shimcha ma’lumot uchun:
Telefon: (998) 55-520-08-08 (207)
E-mail: sh.eshqobilova@edu.uz
Veb-sayt: www.edu.uz
